Saltar ao contido
19:01 h. Sábado, 19 de Abril do 2014

Carlos Callón pon ponto final á súa etapa ao fronte da MNL

O lingüísta e escritor Carlos Callón comunica mediante unha carta publicada nas redes sociais a súa despedida da presidencia da Mesa pola Normalización Lingüística despois de doce anos no cargo. O relevo producirase na asemblea do 26 de abril e a nova directiva será, segundo Callón, “de continuidade”. 

Nel Vidal: “Por vez primeira o proceso de normalización está a ser regresivo"

O próximo sábado a Coordinadora de Traballadores e Traballadoras de Normalización Lingüística (CTNL) desenvolverá a súa asemblea xeral. O seu presidente, Nel Vidal Barral, técnico no Concello de Carballo, trasládanos a valoración do colectivo que traballa pola normalización e que está a vivir o momento de maior precariedade e maiores retrocesos no proceso dos últimos tempos. 

O Xabarín Clube volve agasallar libros en español

Aconteceu xa en 2012 co libro Guinnes World Records, da editorial Planeta. E agora, dous anos despois, o porco bravo voltou dar a benvida ao seu clube enviando ás crianzas dous brinquedos en castelán. A dirección do programa, obrigada a pedir desculpas.

''Se hai un boneco Nenuco, por que non un que se chame Alburuxe?''

A activista pola lingua Ana Iglesias cose bonecos con palabras galegas que están en desuso, desaparecidas, descoñecidas, agochadas...os 'palabruxos'.  "A maneira de que a riqueza da nosa lingua non se perda é transmitírllela ás crianzas. Quero facerlles chegar todas estas palabras a través dos seus bonecos"

As verbas dun 'bilingüismo cordial'

Dúas curtametraxes dirixidas por estudantes sitúan a realidade sociolingüística da Galiza no punto de mira do audiovisual. Conversamos con Andrea Maseda e Daniel Villaverde, autora e autor de dúas pezas audiovisuais que xa fixeron ferver as redes sociais. 

 

Os concellos que maltratan a lingua

O galego é a lingua oficial dos Concellos, segundo se recolle na Lei de Normalización Lingüística. Porén, son moitos os ataques á lingua que proceden das institucións locais, fisicamente ás máis próximas á cidadanía e cun efecto directo no proceso de normalización. Achegámonos ás máis recentes denuncias que poñen á vista actitudes dalgúns dos máis belixerantes coa nosa lingua.

.gal navegará pola rede en 2014

A Asociación puntoGAL asinou coa corporación xestora dos enderezos da Internet (ICANN) o contrato de creación do dominio galego, o primeiro para unha comunidade lingüística e cultural desde 2005. Poderán acollerse ao .gal aqueles espazos que "usen" o galego "nas súas comunicacións en liña". 

O goberno de Extremadura considera o portugués “prioridade absoluta”

O secretario xeral de educación de Extremadura, César Díez Solís afirmou que para o seu goberno o portugués é unha “prioridade absoluta” na política educativa, non só pola proximidade senón tamén pola dimensión internacional da lingua portuguesa. Nas Jornadas de Lingua e Cultura Lusófona debullou todas as liñas de traballo do seu goberno para promover o ensino do portugués. 

“Gústame o galego”, o fenómeno que contaxia o entusiasmo pola lingua

Máis de 5.000 persoas se retrataron co “Gústame o galego” que a Coordinadora de Traballadoras/es de Normalización Lingüística botou a andar hai un ano. A dimensión da campaña en impactos na rede superou todas as expectativas e vén de valerlles o Premio Xoán Manuel Pintos de normalización, que recibe tamén a editorial Kalandraka polo seu labor continuado a prol da lingua. 

En galego, deica a morte

Pode ser que o galego estea en perigo de morte, mais o que si é certo é que a morte non está en galego. Abonda só entrar en calquera cemiterio do país, no que non falta letra por toda parte, para comprobar que o galego está ausente da maior parte das homenaxes familiares das lápidas. Tampouco os enterros e as lembranzas en días como estes se celebran na nosa lingua. Malia iso,  o galego está na fala da maior parte dos cemiterios os días de Defuntos e Santos. 

Unha Mesa premiada por 'Facer país'

A Mesa pola Normalización Lingüística foi recoñecida cunha homenaxe en Láncara polo seu traballo e compromiso a prol do país desde 1986. Recibiu o premio 'Ramón Piñeiro Facer País' que organiza a Asociación Cultural 'Val de Láncara'.

Dez puntos negros para a normalización lingüística

O proceso de normalización lingüística é un mapa de enmarañadas estradas peneiradas de puntos negros que fan máis difícil a circulación. Digamos que a perigosidade está case por toda parte mais son nesas localizacións onde se torna máis visíbel. Á Mesa pola Normalización Lingüística chegan cada día queixas que mostran o difícil que aínda é querer vivir en galego e Paulo Filgueiras é quen as recibe e tramita. Con el tratamos de detectar os puntos negros que fan máis difícil normalizar a nosa lingua. 

A TVG paga series en español: ''o primeiro paso para a súa privatización''

A Mesa pola Normalización Lingüística denuncia a "sabotaxe" do ente público ao sector audiovisual galego e en galego, recorda os principios de defensa e promoción da lingua e da cultura do País polos que a compañía foi creada en 1985 e ironiza: ''non está previsto que Televisión española, Antena 3 ou Mediaset se poñan a producir series en galego; se non o fai a TVG, quen o vai facer?''

Segunda, terza... feiras, formas de noso

Veciñas e veciños de Bergantiños de máis de sesenta anos non tardan en mostrar que as formas tradicionais de lle chamar aos días son segunda, terza, cuarta/corta, quinta ou sexta feiras. A MNL de Bertantiños elaborou un vídeo para promover o uso das nosas formas tradicionais. Video no Interior.

A LNL cumpre 30 anos. X. R. Freixeiro Mato, Socorro García e Nel Vidal fan balance (2)

O director do Servizo de Normalización da Universidade da Coruña, Xosé Ramón Freixeiro Mato, a Técnica de Normalización do Concello de Santiago, Socorro García Cone, Técnica de Normalización do Concello de Santiago e o prresidente da Coordinadora de Traballadores e Traballadoras de Normalización Lingüística Nel Vidal Barral fan balance de trinta anos de Lei de Normalización Lingüística. 

A Lei de Normalización Lingüística cumpre trinta anos. Balance (I)

Carlos Callón, Isabel Vaquero e Henrique Monteagudo hoxe e Xosé Ramón Freixeiro Mato, Socorro García Conde e Nel Vidal mañá fan balance da Lei 3/1983, do 15 de xuño, de Normalización Lingüística no día no que fai trinta anos. Cúmprense tres décadas do texto lexislativo que recollía como obxectivo a normalización da língua e preguntámoslle a seis persoas activas no proceso arredor do seu cumprimento. 

"O galego para a Xunta é unha roncha"

O BNG presenta no Parlamento unha proposición de lei para a reforma da Lei de normalización lingüística cadrando co 30 aniversario da súa promulgación. Exixirá unha "oferta en positivo" en eidos como o ensino, a sanidade, a xustiza, os medios de comunicación e, por suposto, a Administración pública

Carlos Callón irá de maneira excepcional de novo a xuízo o próximo 10 de maio após ter sido absolto

Unha semana antes da manifestación do 17 de maio, o presidente da MNL terá que declarar de novo na Audiencia da Coruña pola súa defensa da Lei de Normalización Lingüística. Fora absolto da acusación presentada polo ex-xuíz decano da Coruña, Antonio Fraga Mandión por lle chamar a atención perante a súa afirmación de que utilizaba a “ilegalidad del topónimo La Coruña” sen rubor

Máis un 17 de Maio nas rúas "polas mesmas razóns de sempre"

Baixo o lema Non queremos ser estranxeiros na propia patria, a plataforma Queremos Galego chama á mobilización en defensa da nosa lingua: "xa gostariamos de mudar o argumentario, mais é o de sempre. A exclusión do galego é tal que á Xunta só lle falta colgarnos a campaíña de leprosos"

Córsega debate se declarar o corso cooficial

'Corsu, Ti tengu caru' (Corso, quérote). A cuestión da oficialidade do corso volve, máis unha vez á asemblea da illa. Un 90% da poboación estaría a prol da cooficialidade. A sesión deste 25 de abril, onde se ía votar a proposta, adiouse por mor do asasinato dun político corso.