O integrante da comisión executiva do PNV, Joseba Egibar, vén de afirmar que o partido jeltzale vai gobernar en solitario pois, afirma, non se dan os "elementos de confianza" para unha coalición. O anuncio non colleu por sorpresa ao resto de formacións parlamentares
A formación da esquerda abertzale presentouse publicamente no Museo Eureka de Donostia esta fin de semana. No acto @s sortziles aseguraron que os retos con que nace a organización son a 'liberdade nacional' do pobo vasco e a aposta por unha 'esquerda transformadora' partisana coa clase traballadora e coas persoas máis desfavorecidas.
Así o decidiu a Comisión disciplinaria da cadea de Logroño en que permanece arrestado desde 2009. Segundo institucións penitenciarias, o de Helgóibar tería cometido unha falta grave e outra leve pola súa participación a través dunha gravación, no acto pola independencia celebrado no BEC de Barakaldo o pasado mes de outubro.
Donostia acollerá esta sexta a presentaciónda Asociación Cultural Pepe Rei. O colectivo, integrado por xornalistas e amig@s do periodista galego, márcase como obxectivo a aposta polo periodismo de investigación e denuncia social "fronte os abusos dos poderes establecidos"
Bilbo viveu esta tarde a marcha que Naiz.Info cualifica como a maior mobilización da historia de Euskal Herria. 115.000 persoas saíron á rúa en defensa dos dereitos d@s pres@s basc@s.
Presenta un currículum académico e persoal inhabitual entre quen nesta e outras eleccións optaron a chegar a Ajuria Enea. Carece de experiencia na política institucional e partidaria, aínda que sempre estivo comprometida con Euskal Herria e as loitas pola liberdade e a xustiza. Defínese como unha persoa política como deben selo todas as de esquerda. [Vídeo da entrevista realizada por Naiz.info]
En chave nacional, os resultados deste domingo configuran o Parlamento máis abertzale, o que abre unha porta a liderar importantes cambios en Euskadi. No ámbito da gobernabilidade, a repartición saíulle redonda a Iñigo Urkullu para ter as mans libres. E no terreo interno, o presidente do EBB non conseguiu superar ningunha cifra da era Ibarretxe
A candidata a lehendakari de EH Bildu nos comicios vascos pon rumbo xa ao Parlamento. "Mais ollo! Penso estar tamén na rúa, non me vou quedar pechada alí", matiza. É o seu aniversario e non deixa de recibir felicitacións de antigas amizades e das novas que vai facendo nesta travesía. Empezamos valorando este 21-O e acabamos mirando lonxe, ao final da lexislatura, en 2016.
A detención de Aurore Martin en Francia por axentes da Xendarmería para a entregar á garda civil española e ser posta a disposición da Audiencia Nacional está a xerar no país galo un dioivo de críticas, tamén en deputad@s, alcaldesas e alcaldes de partidos como o socialista ou mesmo de UMP, o principal partido da dereita gala.
O xuíz Andreu terá de reabrir a investigación contra os 7 deputados de Amaiur e o parlamentar de ERC Joan Tardá por participaren en Xaneiro de 2012 nun acto a prol da liberdade de Arnaldo Otegi.
No seu VII Congreso a militancia do PSE-EE decidiu aprobar por ampla maioría a proposta do seu líder, Patxi López, e adscribirse ao modelo federal defendido desde Madrid.
País Vasco vive esta quinta feira a súa cuarta folga xeral nestes catro anos. Convocada pola maioría sindical vasca, vén de recibir o apoio de sindicatos dos cinco continentes, entre eles, os galegos CIG e CUT
A maioría sindical vasca, convocante do paro da vindeira quinta feira en Euskal Herria, considera “evidente” a necesidade de responder “a imposicións e reformas”
Un cento de `beltzas' (antidisturbios da Ertzantza) precisaron dúas horas para sacar a rastro e unha por unha en Donosti ás oitocentas persoas que conformaron o 'muro humano' que arroupaba a estes mozos desde o martes, día en que o TS ditou que tiñan que cumprir até 8 anos de prisión por militar en Segi
BNP...G? Non, BNP..EH. Non é un xeroglífico nen unha brincadeira. É a aposta estratéxica coa que Sortu fechou hoxe o seu congreso constituínte. A organización independentista e socialista basca chama a criar un "Bloque Nacional Popular" para conquistar a independencia. Hasier Arraiz (1973) foi eleito presidente.
Militantes de ETA pediron desculpas desde París polo dano causado durante o conflito co Estado español a aquel@s cidadás e cidadáns vítimas de accións armadas e que, de acordo coa organización vasca, non tiñan responsabilidades no confronto
As asembleas locais da nova organización da esquerda abertzale votarán esta fin de semana as persoas que asumirán as responsabilidades do seu Consello Nacional.
O xuíz remitiu un auto en que ordena o peche do portal web da organización xuvenil abertzale pola información publicada arredor do falecemento de Xabier López Peña, 'Thierry'.
O proceso Gazte Zukgua desenvolveuse en 180 vilas e barrios de Euskal Herria para sentar as bases da nova organización xuvenil de esquerdas e abertzale. O congreso de presentación será o 2 de marzo en Lizarra (Nafarroa)
A organización armada fixo público un comunicado en que insta aos gobernos español e francés a abrir unha mesa de negociación após un ano da declaración dun cesamento permanente ao fogo.
A formación asegura que a súa disolución procura adaptar a estratexia da esquerda abertzale ao novo contexto político vasco. O anuncio prodúcese en Baiona (Ipar Euskal Herria) onde Batasuna non foi ilegalizada. Imaxe: Naiz.net
Euskal Herria Bildu convoca un acto nacional pola independencia o vindeiro 13 de outubro mentres o PNV fala de capacidade para decidir no seu Alderdi Eguna.
A Folga Xeral está convocada nas tres provincias da comunidade e en Nafarroa por LAB, ELA, ESK, STEE-EILAS, EHNE, Hiru, CGT, CNT e ducias de organizacións e colectivos sociais.
Irun acolleu a presentación pública de Gure Esku Dago, unha iniciativa da cidadanía vasca para ser “a locomotora do dereito do noso pobo a decidir”. Chaman a tod@s, abertzales ou non, a tomar parte na defensa do dereito a decidir, "porque poder decidir é a base democrática para calquer proxecto"
A campaña electoral botou a andar en Euskadi co debate sobre a soberanía riba da mesa. As enquisas apuntan PNV e Eh Bildu como as forzas máis votadas e cunha estreita marxe de diferenza entre ambas as dúas
A Asemblea Nacional do PNV elixiu esta mañá a Andoni Ortuzar novo presidente do PNV. Xornalista e sindicalista (foi presidente do Comité de Empresa de Deia), era desde Xaneiro de 2008 presidente do Bizkai Buru Batzar, a executiva biscaíña de EAJ-PNV.
O xuíz central de Vixiancia Penitenciaria decidiu finalmente conceder a liberdade condicional ao preso arrasatearra "por razóns humanitarias". Malia todo a sentenza podería ser recorrida nun prazo de cinco días hábiles.
Após as reunións desenvolvidas coas demáis forzas políticas con representación parlamentar, Iñigo Urkullu asegura que non descarta nin prioriza ningunha fórmula de goberno mais puntualizou, “hai base firme suficiente” para alcanzar acordos futuros.
Unha enquisa publicada en medios de Euskal Herria recolle que o 49% da cidadanía vasca votaría a prol da independencia de houber un referendo. O 48% das e dos cidadáns afirma sentírense vasc@s fronte un 7% que se declaran españois.
A coalición independentista EH Bildu afirmou esta cuarta feira que non aceptarán "que Madrid decida o noso ensino". Desde o PP afirman que volverían re-editar o pacto co PSE, se ambos os dous partidos conseguisen "suficientes" escanos para tal fin; cousa pouco probábel segundo as enquisas.
A recuperación dun parlamento sen exclusións e con ampla maioría abertzale farán que na lexislatura entrante se lance o diálogo político para un novo marco. Até aí chega a certeza. O resto -se suporá un simple «lifting» do Estatuto ou se desembocará no recoñecemento do dereito a decidir, se haberá consulta ou non, se manterá o status ou abrirá a porta á independencia- dependerá moito da relación de forzas entre PNV e EH Bildu.
Cúmprese hoxe un ano da Conferencia Internacional de Aiete, que se pechou coa declaración que pedía o cesamento definitivo a ETA, diálogo a Madrid e París e unha solución política aos partidos. Foi a antesala do fin da loita armada de ETA. O electorado viuno como algo positivo e premiou a quen se implicaron naquela acción. Fíxoo nas eleccións estatais e, segundo as sondaxes, volverá facelo tamén agora.
Por vez primeira desde 1980, o PNV volve colocar ao seu máximo dirixente como candidato a lehendakari. Unha decisión maioritaria da dirección do partido –pero non unánime– que dá a imaxe precisa do grao de control que Iñigo Urkullu adquiriu sobre o PNV, despois da convulsa elección e mandato de Josu Jon Imaz. O candidato mamou o partido desde a súa infancia e fixo toda a carreira interna que se espera de quen chega ao cume. Con fama de home serio, acompálao o sambenito de «soso», que rompe no trato directo.[Vídeo da entrevista en Naiz.info]
A rede cidadá polo acordo, a consulta e a reconciliación en Euskal Herria cre que mantén o compromiso de desarme e critica ao goberno español por "non abrir portas ao diálogo"
Todas as sondaxes publicadas até a data coinciden en sinalar o PNV como vencedor das eleccións do domingo e en situar EH Bildu como única alternativa aos jeltzales. Estas dúas forzas políticas poderían ocupar dous terzos do Parlamento de Gasteiz na próxima lexislatura, mentres que PSE e PP, que ostentaron maioría absoluta nos últimos anos tras a exclusión da esquerda abertzale, quedarían relegados a exercer un papel secundario.
A xornada convocada pola maioría sindical vasca ten un amplo seguimento en ensino, industria e administración, para alén dunha notábel incidencia en servizos, transportes e comercio
Cando se cumpren hoxe tres anos da detención na sede do sindicato abertzale LAB, de Rafa Díez e os seus compañeiros nun intento de abortar o xiro estratéxico da esquerda abertzale,o diario Gara entrevista ao ex-secretario xeral de LAB ás portas das eleccións en Euskadi do vindeiro 21-O, quen responde o cuestionario desde prisión. Sermos Galiza reproduce a seguir o texto íntegro da mesma.
Após o debate de investidura desenvolvido a pasada cuarta feira, o candidato do PNV, Íñigo Urkullu vén de ser eleito lehendakeri tan só co apoio da súa formación. Laura Mintegi, presentou a súa candidatura pola coalición EH Bildu mais só contou cos 22 escanos da forza abertzale. PSE, PP e UPyD abstivéronse.
A candidata a lehendakari valora o adianto electoral anunciado por Patxi López cun "xa era hora". Botamos a ollada ao programa de EH Bildu con ela e ao panorama político que se abre en Euskadi
