Portadas de Papel Sermos Galiza - A Información precisa

Nesta sección disponibilizamos, en pdf, as distintas entregas do Sermos Galiza en papel, desde o primeiro número, editado á altura de Xuño de 2012.

Queremos pór na rede o único semanario impreso na nosa lingua, a obra dunha Redacción e dun nutrido grupo de colaboradoras/es que teñen como único obxectivo o de contar a realidade desde unha perspectiva inequivocamente galega e en galego.

Somos d@s que pensamos que Rede e Quiosques están chamados a manter unha interrelación de enriquecemento fecundo e con esa idea traballamos quer @s redactores quer @s colaboradoras/es que elaboramos Sermos.

Iremos achegando todos os números, cunha distancia temporal entre o momento da súa aparición no quiosque e da súa aterraxe nesta sección non inferior a dous meses (os números de Febreiro aparecerán aquí en Abril, etc).

A Rede ten o atractivo do imediato, o lóstrego do tempo real. O papel, o engado da análise e tamén do produto único, material e tanxíbel.

Nesta sección poderedes gozar dunha e doutro.