O cargueiro “Anna” que embarrancou na boca da ría de Ferrol, nas inmediacións do castelo de San Carlos, foi reflotado a media tarde sen que se desen fugas de combustíbeis nin danos persoais. O accidente provocou o corte do tránsito marítimo durante horas.

A Plataforma pola mobilidade sostíbel da Coruña denuncia a supresión de servizos de tren e o peche de 30 estacións. Lamenta o “retroceso” despois do anuncio de Renfe do que chaman “desmantelamento progresivo da rede ferroviaria

O movemento asociativo COGAMI que agrupa 53 entidades que traballan con persoas con discapacidades alerta, depois de celebrar a súa Asemblea Xeral,  sobre os efectos que están a ter os recortes nas áreas de benestar. O Presidente de COGAMI, Anxo Queiruga, sinala que o colectivo “corre o perigo de retroceder trinta anos nas súas condicións de vida”. 

O BNG tería grupo parlamentar en Madrid, pasando de 2 a 5 escanos, de se celebraren eleccións xerais. Os datos forman parte do estudo de Metroscopia que hoxe publica o diario El Pais. 

A ministra de Fomento, Ana Pastor, negou na entrevista deste domingo na Radio Galega que vaian desaparecer liñas de tren. Pastor asegurou que no 2018 o AVE chegará a Galiza e que o obxectivo é comunicar todas as cidades. 

Os carteis de “véndese” que cada vez penduran máis de andares e establecementos comerciais chegaron tamén aos pazos. Na rede pódense atopar arredor dun cento, algúns declarados BIC, que buscan no capital exterior os seus futuros propietarios. Varios deles anuncian xa rebaixas. 

O pasado ano retiraron tres toneladas e media de lixo nunha acción na que participaron 700 persoas e, desta volta, Adega volve convocar unha limpeza simultánea de praias no Día Mundial dos Océanos. 

O 2 de xuño a mediodía e na Alameda será a hora e punto de partida da manifestación nacional que o colectivo ContraMINAcción, integrado por varias organizacións, convocan co lema “Contra a minaría salvaxe”. Protéstase contra o incremento de concesións mineiras por parte da Xunta que esquecen o medio ambiente, espazos protexidos e mesmo a veciñanza dos distintos territorios. 

A poucas horas de se ter celebrado a manifestación que o Día das Letras Galegas encheu a Praza da Quintana reclamando o dereito a vivir na nosa lingua, o presidente da Mesa pola Normalización Lingüística e voceiro de Queremos Galego, Carlos Callón, valora o éxito dunha convocatoria que pon á vista a vontade de defender o galego nun momento no que se está a cuestionar mesmo a súa oficialidade. 

A filial eólica da empresa gala impulsa un ERE que suporía a desaparición de 70 postos de traballo no noso país, a pesar de obter un 10% máis de beneficios.

Se os contratos coas empresas de Dorado anteriores a 2003 foran destruídos como afirmou o presidente da Xunta no Parlamento, estaríase a cometer unha ilegalidade segundo defende a CIG-Administración, da que sería responsábel o propio Feijóo, daquela secretario xeral na Consellaría de Sanidade. 

Ás 12 da mañá no Obelisco da Coruña é a hora e o lugar no que o domingo 19 de maio o comité intercentros do grupo La Voz de Galicia desenvolverá un acto informativo para facer público o conflito laboral no seo desta empresa de comunicación.

O día despois do consello de Ministros dar luz verde ao anteproxecto da LOMCe, o presidente da Generalitat de Cataluña Artur Mas anunciou que convocará partidos políticos e ao mundo educativo para se opoñer ao españolismo centralista da lei Wert. Estuda tamén presentar un recurso diante do Tribunal Constitucional. 

O informe “Na procura de alternativas II” de Cáritas Inerparroquial recolle que 650.000 persoas están na Galiza en situación de exclusión social e 120.000 viven nunha pobreza que caracterizan de carácter severo. Responsábel de emprego e inmigración de Cáritas Interparroquial, membro da Plataforma polo emprego e do Foro da Inmigración, Miguel Fernández sitúa nas altas taxas e o desemprego prolongado máis na política de recortes as causas destes alarmantes datos. 

O executivo galego elude comprometer ningunha acción en resposta a unha interpelación parlamentaria do BNG. O plantel de traballadoras e traballadores realizará esta segunda feira unha nova asemblea na que se poderían acordar novas protestas. Vídeos no interior.

Unha comisión composta por representantes de movementos sociais, plataformas, concellos e organizacións ecoloxistas reclamou ao Parlamento Europeo unha lexislación específica que poña freo ás ameazas da megaminaría contaminantes.Sinalan que sobre proxectos mineiros como Corcoesto, A Limia, Cartelle ou Castrelo penden a ameaza de catástrofes como  Aznalcóllar e Baía Mare.

Tres estampidas en dous días. O presidente da Xunta, Alberte Núñez Feijóo modifica a súa axenda para fuxir das protestas e desaparece dos actos na rúa. 

Procurarán agora chegar a acordos específicos con Goberno e patronal sobre as pensións, a reforma das formación, as prestacións sociais ou o emprego xuvenil. A CIG reitérase na súa oposición ao pacto social e exixe a dimisión do executivo e a convocatoria de eleccións.Vídeo no interior.

Avoas e Nais da Praza de Maio, os colectivos de mulleres que saíron na busca de fill@s e net@s que a ditadura militar roubou ou fixo desaparecer non dan por finalizada a súa loita coa morte de Videla. Reclaman abrir arquivos e poñer fin á impunidade e lamentan que o ditador morrera sen se arrepentir e sen confesar onde están os seus seres queridos. Valoran, pola contra, que atopase o seu fin no cárcere, onde cumpría condena perpétua. 

Unha maré de persoas, de todas as idades, fan da capital da Galiza o barco dun idioma universal. “Non queremos ser estranxeir@s na propia Patria”. Non pedimos demasiado, non?

A  Xunta marxina na súa campaña institucional para o Día das Letras Galegas aos medios que empregan o galego todos os días do ano. 

O Día das Letras Galegas, mentres milleiros de persoas percorrían as rúas de Compostela para reivindicar o dereito a nosa lingua, o futuro do galego recibía unha labazada ao aprobar o Consello de Ministros o anteproxecto da LOMCE, sen apenas modificacións despois da folga que paralizou o ensino. 

O diario catalán Ara vai denunciar a "involución educativa" que supón a Lei Wert saíndo impreso este sábado día 18 en branco e negro.

En menos de 24 horas, o expresidente de Caja Madrid, Miguel Blesa entrou e saíu do cárcere de Soto del Real, após os seus avogados depositaron a fianza de 2,5 millóns que o xuíz demandaba. 

Á historia lembraráo como un dos máis sanguinarios ditadores de Latinoamérica. Jorge Rafael Videla morreu aos 85 anos no cárcere, condenado por estar ao fronte do máis cruel dos reximes, o que goberno Arxentina e fixo desaparecer máis de 30.000 persoas. 

De Hong Kong a Malvinas, de Holanda a Xibraltar ou Bahamas, as compañías galegas crearon sociedades en enclaves off-shore cunha finalidade clara: eludir impostos. Por volta de 600 millóns nestes 10 anos

María de los Llanos de Luna entregou un diploma nun acto nun cuartel da Garda Civil a un representante destea agrupación de soldados españois que voluntariamente loitaron nas fileiras de Hitler contra a Unión Soviética

A nova entidade xorde con once medios en papel, electrónicos ou radiofónicos para “garantir a pervivencia do idioma e e procurar vías de financiamento que garantan o sustento dos media en galego”